Le Matinal: Micro-trottoir sur l’Indépendance

Micro-trottoir sur l’Indépendance
================================================================================
La Rédaction on Friday 12th of March 2010 - 00:00:00
 
KHEMA BACHOO, 21 ANS, ETUDIANTE
“Lindépandanss se un bon zafer car nu ti zil inn vinn lib et demokratic. Nu
nepli esclave enn lezot pei et nu pei inn grandi ekonomikma. Nu ena nu prop
legislatif et lil la couma dir enn zenn fi ki pe travay et li ena tou so liberte
et so ti kopen pa kapav fer dominer ar li. Mo sélébré lindepandanss le 12
mars avek enn pavion ki mo akroch lor mo lacaze. Franchement, nu ban zenes, nu
pas konn vre limportanss de lindépandanss car nu pann konn souffrans nu ban
grand dimoun. Nunn touzour viv dan liberte depi lindepandanss. Alor mezage ki mo
ti pu rode pass bann zenes se ki essay komemor sa souffrans ban grand paran, ek
remercie bon die ki nunn pas enchaîne kouma ban zanimo.
SUZANNE, 36 ANS, PLONGEUSE
“Lindepandanss, se enn bon zafer car Morris ti gagn so liberte sa zour la. Pou
mwa sa zour la spesyal me mo pass li dans travay”.
TERRENCE, 64 ANS, RETRAITE
Lindepandanss nu pei se enn gran zafer. Li ti enn pe difisil pu akerir nu
lindepandanss, me li enn fyerte pour nou tou, ki nu lib. Au debut nune fer fasse
boukou criz ekonomik, mais à la fin nune ressi deboutt lor nu lipie et  nu pu
kontinie deboutt lor nu lipie. Malgré ki nu pena okenn gran resourss, nu ine
ressi debrouile ar seki nu ena.
BEENUNGEEEA, 44 ANS, PURCHASING SUPPLY OFFICER
Pour moi lindepandanss, se liberté de lexpressyon. Nu kapav koz libreman, et
lindepandanss pou mwa vé osi dir lindepandanss lekonomi. Nu ena drwa fer ceki
nu anvi me en restant dans barrier de la lwa. Lindepandanss li enn zour
exceptyonel, nu pays nepli kontrole par serten pouvwar exterier. Nu pa bizin
pran lord avec ban lezot pei. Nu pran nu desisyon par nu memm.
ROSITA, 44 ANS, AGENT DE SECURITE
Lindepandanss se enn zafer interessan et li byen bon. Sa lespri patriotik la
bizin kontinie. Li bizin gravé dan nu le ker pou touzour et pa nek pu sa zour
la. Sa zour la, nu gagn enn kongé piblik et tou dimounn bizin selebre sa komm
enn fett. Mo espere ki ena la pe dans pei la et ki krim ek laguer diminie.
Morris se enn paradi et mo espere ki li res enn paradi pou touzour.
ISMAÏEL, 47 ANS, EMPLOYE DANS UNE COMPAGNIE PRIVEE
Lindepandanss se enn gran zour pou pei. Sa inn apport nu bouku de bien. Nu bizin
fyer ki nu Morisien. Jour lindepandanss nu senti nu fier kan nu kadricolor
flotté. Nu senti enn lemotion fort au ker. Sa zour la, mo al chan de mars nu
zoue enn match de foot dans so parking.